Kelly Clarkson show-a host tur Pink

Kelly Clarkson show-a host tur Pink
The Kelly Clarkson show chu a buatsaihtunu berin tihtawp zai a rel zo chauh a, mahse special episode buatsaih tum a ni.
March ni 2 atanga tan tura ruahman Special round of episodes-ah hian zaithiam Pink chu guest host a ni dawn a, hmeichhiate hlawhtlinna, music leh culture bakah khawtlang thil hrang hranga nghawng an neih dan tarlan a ni dawna sawi a ni.
Kum 43 mi Kelly Clarkson chuan a fate leh inchhung lam ngaihsak a tul tawh zawk avanga a show tihtawp a tum tak avangin Pink chuan he special episode hi a host dawn a, Clarkson hi a inlan tawh dawn lo nia sawi a ni bawk.
Pink hian guest host a ni tur chu a inchhuan thu leh a phur tawh thu sawiin, Clarkson show-ah a inlan tawh thu leh nuam a tih thu, chumi hnuah a la host lehzel tur phei chu nuam a tih tak zet thu leh a phur tawh hle niin a sawi.
Pink hi a hming tak chu Alecia Moore niin, kum 2023 khan The Kelly Clarkson show-ah hian inlanin, ‘Songs & Stories’ chungchangah an lo inkawm tawh a ni.