Khaled Memorial Second Division champion Bawngkawn South CC

Khaled Memorial Second Division champion Bawngkawn South CC
““Tualchhung cricket-a second division inelna Khaled Memorial Second Division Screening Tournament 2022-2023 chu Zirtawpni khan final khelh a ni a, Bawngkawn South Cricket Club-in run hnihin Zemabawk Pitchers CC an hneh.““
Suaka Cricket Ground, Sihhmuia final inkhel hmuhnawmah Zemabawk Pitchers-in vawm an thlang a, an top order batsman-te chethain, opener Malsawmdinpuia’n run 33 a siam a, Lalbiaktluanga’n run 43 a siam thung.““
An innnings tawp lamah Bobby Vanlalhriata chuan run 25 siam bawkin, over 50 chhungin run 188 an siam a, wicket 10 an hloh.““
Bawngkawn South bowler zingah Ngurthansanga chuan wicket thum lain, Johan Lalruatfela, Rohit Kumar Roy leh Vanlalpekhluate’n wicket hnih theuh an la.““
Zemabawk Pitchers-in an opener wicket hloh hma mah se Lalbiakfela a chetha a, ball 51 atangin run 52 a hlapchhuak.
Jerome VL Hriata chuan run 31 siam bawkin bul an tan dan a tha a, nimahsela, an run rate an chhawmnung reng thei lo chu a tawpah an tuar ta a; Vanlalpekhlua leh Lalremtharate’n run 22 ve ve siamin a tawp lamah tan khawh mah se over 44-ah run 186 siamin an wicket an hloh zo.
“Bawngkawn South CC-in an bowler-te’n a hun taka wicket an lak theih rah an seng a, an ball vawmin Zemabawk batsman-te a tibuai fo.
Sachin Prajapati chuan wicket thum a la a; Laltlansanga, C. Lalnuntluanga leh Lalbiaktluangate’n wicket hnih an la bawk.
“Tournament tluana run 192 siama wicket 23 la tling Vanlalpekhlua chu Player of the Series-a thlan a ni a; Zemabawk Pitchers batsman Lalramluahpuia Zote chuan run 275 siamin Best Batsman lawmman a dawng.
Wicket 25 latu Bawngkawn South spinner K. Lalthazuala chu Best Bowler a ni thung.