Khawvela pa upa ber a thi

Guinness World Record-in khawvela pa upa bera an puan Venezuelan Juan Vicente Perez Mora Perez chu April ni 2 khan kum 114 mi niin a thi. A thih thu hi Venezuelan President Nicolas Maduro chuan social media platform X-ah a puang a, “Juan Vicente Perez Mora chuan kum 114 mi niin chatuan ram min pan san ta,” a ti.
Perez hi Guinness World Records hian February ni 4, 2022 khan khawvela mipa damlai zinga upa berah an puang a, chutih lai chuan kum 112 leh ni 253 a upa a ni a, fa 11 neiin, tu 41 leh tuchhuan 18 neiin, a khup-thumna tute pawh 12 an tling tawh a ni.
Perez hi loneitu niin, Tio Vicente tiin an ko mai thin a, El Cobre, Andean-ah May ni 27, 1909-ah a piang a, unau 10 zinga a naupang ber dawttu a ni. Mipa naupang kum 5 mi lek a nih lai atangin a pa leh a unau dangte zingah fû leh coffee huanah a kal ve zak zak tawh a ni.