Khawvela sam sei ber
‘Rapunzel’ thawnthu kan hria ang a, a sam a sei hle, mahse, thawnthu a ni. Uttar Pradesh a cheng, Smita Srivastava, kum 46, hi a tak rama Rapunzel a tih theih ve mai awm e. Guinness World Records-in khawvela sam sei berah a puang. Smita sam sei zawng hi feet 7 leh inches 9 a ni.
Hetiang khawpa sam sei nei tur chuan zuah pawh a ngai rei ve fû dawn a, Smita pawh hian tleirawl kum 14 mi a nih atangin a sam a tan leh tawh lo. Smita chuan Indian culture-ah samsei chu hmeichhe duhawmna belhchhahtu niin a ngai.
Guinness World Records a siam a, mahse, hetiang taka samsei chu a buaipuiawm ve khawp ang, Smita pawhin kar khatah tum hnih bak a lu a su ngai meuh lo a, a lu suk chhung pawh darkar khat dawn a tling thin. Chutah a suk zawhah pawh a sam tihro chu hna a la tling a, khumah puan a phah duai a, tah chuan a sam chu tihro tumin a chap darh thin a, a ro hnuah a sam chu a zial leh thin.
Smita hian tun kum 20 chhung hian a sam tla te pawh a dahtha zel a. A sam a khuih zawnga ama tawka tla te chu la khawm a dahtha vek bawk a ni.
Khawvela sam sei ber
Get real time updates directly on you device, subscribe now.
Prev Post