Lawngtlai district bawrhsap office bultumin ‘Citizen Care- Grievance Redressal Day’ (Khua leh tuite ngaihsak – harsatna chinfel Ni) chu Zirtawpni khan Lawngtlaiah hman a ni.
District bawrhsap Cheemala Siva Gopal Reddy chuan khua leh tuite harsatna chinfel sak chu sawrkar department mawhphurhna a ni tiin, mipui tana thawk an nih hrereng turin deparment hote hi a chah.
Lawngtlai district chu district lian tak a nih avangin thingtlang atanga office dawr thinten sum leh pai tam tak bakah hun hlu tak an seng thin a, an thil duh leh mamawh an tihfel nghal mai loh phei chuan harsatna a thlen thin tih a sawi a. Awlsam leh hun khawhral lo zawnga an mamawh an tihfel zung zung theih nan tun ang hun hi hman a ni tih Cheemala Siva Gopsl Reddy hian a sawi a ni.
Hei hi mipui tan chauh ni loin, department hrang hrang pawhin awlsam zawkin mipui hnenah ‘service’ an pek theih ang ang an pe thei a, mipui leh sawrkar department tan hlawkna a thlen dawn tih a sawi bawk.
‘Khua leh tuite ngaihsak – harsatna chinfel Ni’ puala hun hmannaah hian mipui dawr theihin department (district/ division/ block) 15 an inpho chhuak a ni.
Khua leh tuite ngaihsak Ni hmang
Get real time updates directly on you device, subscribe now.
Prev Post
Next Post