Kum 20 hnuah electric eng hmu leh ta

Chhattisgarh state-a thingtlang khaw kilkhawr pakhat Sukma district a mi chuan Naxalite hel ten an electric eng lakna an tihchhiatsak vek hnu kum 20-ah electric eng an hmu ve leh thei chiah a ni. Sukma district huam chhunga Konta development block hnuaia awm Kunded thingtlang khua mi 600 vel chenna chuan Ni chakna hmangin êng an chhi ve hram hram \hin a, mahse tunah chuan kum 20 hnuah electric eng an chhi ve leh thei ta a ni. Sukma Superintendent of Police Kiran Chavan chuan, “Kum 20 kal taah khan Naxal helhote chuan electric supply-na hmanrua- a hrui te, a ban te ti chhiain khaw mipuite chu thim hnuaiah hmasawnna hna pawh thawk thei loin an awm tir a. Tunah chuan he thingtlang khuaa cheng mipuite chu an hlim hle a, an fate zirna sikulah kalin lehkha pawh an zir ve thei tawh dawn a, television leh mobile phone hmangin khawvel hmun dangte pawh an be pawp ve thei tawh dawn a ni”, tiin a sawi.
Konta development block hi Sukma district chhim tawpa awm niin Odisha leh Telangana te a ri a. Minister kum 70-a upa Kawasi Lakhma hi helai biala \um 5 zet MLA lo ni tawh a ni a. Sukma district chhunga za zela 60 vel hi Naxalite hel ho tihbuai \hin niin venhimna lama thawktute chuan a \henawm Bijapur district nen hian indona hmun angin an sawi hial a ni. Electric eng pe leh tur hian security force-te chuan Kunded-ah police camp an siam a, hei hi Sukma khawpui a\anga 110 Km laia hla niin Naxal helhote hnawhbo nana tih a ni.
Kunded hi Puvarti thingtlang khua a\anga Km 10-a hla a ni a, Jagargunda police station huam chhunga awm a ni. Jagargunda hi Maoist leader Hidma pianna hmun niin helai hmuna inbeih hluar em em na chhan leh sipai tamtak an thih phah fona chhan a ni. Hidma leh a mite People’s Liberation Guerrilla Army (PLGA) battalion khat te chu helai ram velah hian an biru renga ngaih niin Kunded a\angin Km 18-20 vela hla a ni.