Kum nga politics khel thei lo tur Imran Khan

Pakistan electoral authority te chuan prime minister hlui Imran Khan chu kum nga chhung politics khel thei lo turin an hrem.
Thulukna an siam chu Election Commissio of Pakistan chuan Imran Khan chu eirukna thubuai a neiha kum thum lung in tang tura hremna puan tukah a puang zui a ni. Hei bakah hian Khan chu MP a nihna hlihsak a ni nghal bawk ang.
Imran Khan erawh chuan amah an puhna te chu politics thila tihchhiat tumna vek a ti a, mahse, Pakistan sorkar chuan a pha thung a.
Marriyum Aurangzeb, Pakistan’s minister of information and broadcasting chuan, “Dan laka chetdanah mawhphurhna lak ngam a ngai. Hei hi politics nena inzawmna nei lo a ni. Court in tiamloh a chantir chu man a ngai a ni,” tiin a sawi.
Kum 70-a upa Imran khan hi kum 2018 khan Pakistan leader atana thlan tlin a ni a, mahse, nikum khan Pakistan army te nena an inhmuh thiam loh hnuah no-confidence vote hmanga paihthlak a ni.
Imran Khan thubuai hi prime minister a nih laiin foreign dignitary te hnen atanga thil pek a dawn te chu dik lo takin a sawi lang a, chung thil hralh atanga sum lak luhte pawh dik lo takin a sawi a ni, an ti.
Thil pek a dawn te hi 140 million Pakistani rupees hu vel nia ngaih niin Rolex sana te, zungbun ang te pawh tia sawi a ni a.
Local media-te chuan kum nga chhung atana Imran Khan inthlan engkima chuh thei lova siam hi a thubuai neiha thiam loh a chan nghawng zel tiin an sawi a.
Pakistani law ang chuan lung in tang tura tih chuan inthlan a chuh thei lo va, a hun chhung erawh Election Commission of Pakistan thuneihna a ni thung.
Imran Khan legal team te chuan he thutlukna hi khing zuiin Islamabad High Court-in a la ngaihtuah zui tur a ni thung a. Imran Khan hi Islamabad bula lung inah a tang mek thung.