Kuminah Ganja leh Heroin man hnem tawh

Tunlaiin ruihhlo a hluar a, ruihhlo-ah hian heroin leh ganja a hluar zual niin a lang. Excise force te’n kumina an man tawh zat hi, mak tih tham a tling.Kuminah thla thum a ral chauh a, January atanga March thla thlenga Mizoram Excise & Narcotics (MEN) department-in ganja an man hi nikum kum tluana an man aiin a tam tawh. Heroin pawh thla thum chhunga an man hi a tam a, 2020 kum tluana an man aiin a tam.
MEN department hian kuminah March thla thleng khan ganja kg 381.076 an man a, nikum kum tluana an man aiin hei hi a tam. Chu mai a ni lo, kumin hi 2018 hnu-a ganja an man tam ber kum a ni der tawh.
Ganja hi January-ah ringawt khan kg 219.417 an man a, hei hi nikum kum tluana an man aiin a tam tawh. February leh March thlaah an man belh leh lawih a, 2018 hnua an man tam ber kum a ni ta a ni.
Nikum khan ganja hi a hluar tia sawi a ni tawh a, kg 179.233 an man.
Heroin pawh kuminah March thla thleng khan kg 18.570 an man a, thla thum chhunga manah chuan a tam tham hle.
2019-ah kg 12.596 an man a, kg 10 an man tlin vawi khatna a ni. 2020-ah a hma kum aiin an man tlem a, kg 11.710 an man. 2021-ah kg 18.906 a tling ta dawrh a, 2022-ah kg 33.418 lawih an man. 2023-ah phei chuan kg 79.359 lai mai an man a, hei hi an man tam ber
MEN department man zat
Kum Ganja Heroin
2024-ah Kg 381.076 Kg 18.570
(Jan-Mar)
2023-ah Kg 179.233 Kg 79.359
2022-ah Kg 152.214 Kg 33.418
2021-ah Kg 376.204 Kg 18.906
2020-ah Kg 127.449 Kg 11.710
2019-ah Kg 370.068 Kg 12.596
2018-ah Kg 187.568 Kg 8.567