LA Lakers an hralh to dawn

NBA team langsar tak Los Angeles Lakers chu $10 billion (£7.45bn) vel zetin hralh a ni dawn a. LA Lakers hi USA a sport team hralh to ber a ni zui nghal dawn.
NBA team lar leh hlawhtling tak Los Angeles Lakers hi kum 1979 atang khan Buss chhungkua in an rochun. Buss chhungkaw enkawlna hnuaiah hian NBA final vawi 17 ngawt an khel a, vawi 11 ngawt an champion tawh. Hun rei tak chhung Buss chhungkua in an enkawl hnuin TWG Global Mark Walter in thuneihna leh chanvo tam zawk leiin, a thuthuaiah a awm ve tawh dawn. TWG Global CEO Mark Walter chuan LA Lakers hi $10 billion (£7.45bn) vel bawra lei tumin an indawr mek thu a sawi a, an leina zat hi hei aia tam belh hret thei dinhmunah a ding bawk tih a sawi.
Mark Walter hian kum 2021 khan LA Lakers-ah chanvo 20% a lo lei tawh a, kum li a liam leh meuh chuan thuneitu sang ber ni turin chanvo tam ber a lei zui dawn ta a ni. Mark Walter hi kum kal taah Baseball team inelna lian World Series champion Los Angeles Dodgers neitu a ni mek bawk. Heng bakah hian football club lian Chelsea-ah co-owner a ni mek a, Cadillac Formula 1 Team-ah kum 2026 thleng neitu nihna a nei dawn bawk.
US ten nilaini a an tarlan danin National Basketball Association LA Lakers hi Mark Walter hian a tlawm berah pawh $10 billion in an lei ngei dawn a, USA sport team hralh to ber ni hralhna zat chu $4 billion zetin a khum dawn.