Lady Gaga leh Bruno Mars hla thar ‘Die With a Smile’ chu Billboard Global 200 chart-ah No.2 atangin No.1 a kai a, Gaga leh Mars tan he chart-a No.1 kai thei hla an neih vawi khatna ve ve a ni. Hetihrual hian Sabrina Carpenter ‘Taste’ pawh No.2-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Lady Gaga & Bruno Mars ‘Die With a Smile’ hian kar khat chhungin stream maktaduai 97.2 leh sales 12,000 a nei thei a, hei hi chart No.2 atangin No.1 a kaipui ta a ni. He hla hi kar kalta chart-ah khan No.2-ah a debut a, Gaga leh Mars tan he chart top 10-a an lan vawi khatna ve ve a ni a, tunah chuan an No.1 vawi khatna ve ve a ni leh ta a ni.
Sabrina Carpenter ‘Taste’ pawhin stream maktaduai 102 leh sales 8,000 neiin No.2-ah a debut a, he chart top 10-a a hla lang thei pathumna a ni. Sabrina hla dang, he chart-a No.1 pawh lo ni tawh ‘Espresso’ chu No.3 a ni a, a hla dang, chart No.1 hlui bawk ‘Please Please Please’ chu No.6 atangin No.4 a kai thar leh ta bawk. Heng hla pathumte hi a album thar ‘Short n’ Sweet’ ami vek an ni a, a album hi Billboard 200 (albums) chart No.1-ah a debut thei bawk.
Billie Eilish ‘Birds of a Feather’ chu he chart-a kar thum a zawna a No.1 hnuah No.5-ah a tawlh ve ta bawk.
Billboard Global 200
Top 10:
1 Die With A Smile – Lady Gaga & Bruno Mars
2 Taste – Sabrina Carpenter
3 Espresso – Sabrina Carpenter
4 Please Please Please – Sabrina Carpenter
5 Birds Of A Feather – Billie Eilish
6 Si Antes Te Hubiera Conocido – Karol G
7 A Bar Song (Tipsy) – Shaboozey
8 Good Luck, Babe! – Chappell Roan
9 Beautiful Things – Benson Boone
10 Lose Control – Teddy Swims
Lady Gaga & Bruno Mars ‘Die With a Smile’ a lar ber
Get real time updates directly on you device, subscribe now.
Prev Post