Laureus award dawng thei tur an tarchhuak
Laureus award dawng thei tur an tarchhuak
Infiamna huanga chawimawina ngaihhlut hlawh zinga mi Laureus World Sports Awards an tih chu kumin atan an semchhuak leh dawn a, he mi atana nominee pawh tarchhuah fel a ni leh ta.
Reigning Sportsman of the Year ni mek pole vaulter Armand Duplantis pawh nominee zingah tel lehin, nikuma award a dawn hnu khan outdoor world title vawi thum a lakzawn bakah world record tum li ngawt a siam leh hman tawh a, kumin pawh hian a award dawn a humhim lo ang tih sawi theih a ni lo.
Award pui ber dawng thei tura chhawpchhuah dang zingah Paris St-Germain kuta Champions League title lupuitu Ballon d’Or winner Ousmane Dembele telin, nikuma Grand Slam title pali insemzotu Carlos Alcaraz leh Jannik Sinner kan hmu bawk.
Anni bakah hian a tum lina atana Tour de France title latu Tadej Pogacar leh seven-time MotoGP world champion Marc Marquez-te chu contender dang an ni.
Barcelona women’s midfielder Aitana Bonmati chuan kum 2024-a a lo dawn tawh Sportswoman of the Year award dawng leh thei turin nomination a hmu leh a, he category-a lang tur hian a club chu domestic treble a nihpui a, record siamin a tum thumna atan Ballon d’Or chawimawina a dawng bawk.
Nominee dang zingah world No.1 ni chunga season khar tennis star Aryna Sabalenka telin, a vawi hnihna atan US Open title a la bawk a nih kha. 800m leh 1500m freestyle world champion swimmer Katie Ledecky pawh he chawimawina dawng thei tur zingah telh a ni.
Lando Norris, Luke Littler leh England women’s football team-te pawh award dang dawng thei turin nomination pek an ni.
Nikum Abu Dhabi tlankawng final-race decider-a 2025 Formula 1 driver’s title hlawhchhuaktu British racing driver Norris hi Breakthrough of the Year category-ah telh a ni.
Briton hi rawlthar kum 18 mi lek ni chunga dartworld championship, Premier League leh World Matchplay title la kim vek chunga darts’ Triple Crown la thei nauang ber Littler nen hian inpawt na ber tura ngaih an ni.
Nikum nipui thawt lai European Championship final penalty shoot-out kaltlanga Spain hnehtu Lionesses chu kum 2012 hnu lama a vawi khatna’na US leilung ngei maia champion leh thei European Ryder Cup golf team leh Formula 1 constructors champions McLaren-te nen Team of the Year award an inchuh dawn a ni.
Comeback of the Year category-ah a zawna a tum hnihna atana England kuta Euro title luhpuitu leh club lamah Champions League-a Arsenal champion-puitu Leah Williamson kan hmu bawk.
He English nula hi infiammite bawksawppui reng thin khup hliam naran lo chi anterior cruciate ligament injury an tih a vei hnuah ropui takin ram leh club tan a inlan leh thei a, comeback of the year chawimawina dawng thei zingah dah a ni.
He prize dawng thei tura chhawpchhuah dang cyclist Rory McIlroy leh cyclist ve bawk, nikuma Action Sportsperson of the Year award dawngtu Tom Pidcock-te nominate an ni bawk.
Chawimawina dawngtute hi thla thar April ni 20 khian Madrid khawpuia ceremony-ah puan niin, lawman sem a ni ang.
Category hrang hranga nominee-te
Sportsman of the Year:
Carlos Alcaraz (Spain) – tennis
Ousmane Dembele (France) – football
Armand Duplantis (Sweden) – athletics
Marc Marquez (Spain) – motor cycling
Tadej Pogacar (Slovenia) – cycling
Jannik Sinner (Italy) – tennis
Sportswoman of the Year:
Aitana Bonmati (Spain) – football
Melissa Jefferson-Wooden (USA) – athletics
Faith Kipyegon (Kenya) – athletics
Katie Ledecky (USA) – swimming
Sydney McLaughlin-Levrone (USA) – athletics
Aryna Sabalenka – tennis
Team of the Year:
England women – football team
European Ryder Cup – golf
India women – cricket
McLaren – Formula 1
Oklahoma City Thunder – basketball
Paris St-Germain – football
Breakthrough of the Year:
Desire Doue (France) – football
Joao Fonseca (Brazil) – tennis
Shai Gilgeous-Alexander (Canada) – basketball
Luke Littler (GB) – darts
Lando Norris (GB) – Formula 1
Yu Zidi (China) – swimming
Comeback of the Year:
Amanda Anisimova (USA) – tennis
Egan Bernal (Colombia) – cycling
Rory McIlroy (GB) – golf
Yulimar Rojas (Venezuela) – athletics
Leah Williamson (GB) – football
Simon Yates (GB) – cycling
Action sportsperson of the Year:
Yago Dora (Brazil) – surfing
Kilian Jornet (Spain) – ultra running
Chloe Kim (USA) – snowboarding
Rayssa Leal (Brazil) – skateboarding
Molly Picklum (Australia) – surfing
Tom Pidcock (GB) – cycling
Sportsperson of the Year with a Disability:
Gabriel Araujo (Brazil) – swimming
Simone Barlaam (Italy) – swimming
Catherine Debrunner (Switzerland) – athletics
Kelsey DiClaudio (USA) – ice hockey
David Kratochvil (Czech Republic) – swimming
Kiara Rodriguez (Ecuador) – athletics