Lawngtlaiah ‘National Girl Child Day 2024’ hmang

National Girl Child Day 2024 hmanpui tu R.Lokeshwaran, IPS, SP, Lawngtlai chuan hmeichhe naupangte tan zirna a pawimawh thu leh zirna chuan thiamna leh zahawmna a ken tel piah lamah eizawnna ngelnghet nei tura thil tangkai tak a nih thu a sawi.
Jothansangi Tlau, Chief Juducial Magistrate chuan dan tha tak tak hmangin hmeichhiate dikna chanvo chu venhim a nih tawh angin mahni inchhungkhur leh hnathawhna hmun emaw, zirna in-ahte hmeichhe chunga hleilenna a thleng a nih chuan thuneitute hnenah thlen nachnag hre turin kalkhawmte a chah a. Hmeichhiate chu mipa ang bawkin zirna leh hna zawnnaahte thuneihna thui tak an neih thu sawiin, kum tling lova pasal neih emaw neih luih tirna chu dan kalh a nih bakah an hma hun tichhe vek thei a nih thu hre reng turin a chah bawk a ni.
National Girl Child Day 2024 puala Slogan inziah siakna leh kum hmasa a zirlai titha zual pathum thlanchhuahte hnenah chawimawina thilpek hlan a ni bawk.