Lei hnuai tui hmang tangkai

Irrigation & Water Resources minister C Lalrinsanga chuan Mizorama a vawikhatna atan PMKSY-HKKP hnuaiah ground water irrigation scheme thawh tan a ni tih a sawi.
Minister sawi danin, PMKSY-HKKP hnuaiah project 13 kalpuiin, chhungkaw 468 chhawr theih turin ram hectare 553-ah tubewell 209 an verh a. Chawmzau Serchhipah ram hectare 52 chawm thei turin NABARD-RIDF-XXVI hnuaiah tubewell 31 an verh tawh a; solar pump installation kalpui mek a ni.
Kum 2017-a ruahtui tlak nasat avanga lui lianin a tihchhiat project hrang hrang thawmthat nan DoNER ministry atangin cheng nuai 333 hmuh a nih thu sawiin, minor irrigation project 24 siamthat a nih tawh thu thu a sawi. JICA nen technical cooperation project (TCP) hlawhtling taka kalpui a ni, tiin, Japan mithiamte kaihhruaina in ei leh bara kan intodelhna tur leh agriculture-a hmasawnna ngelnghet kan neih theih nan hma lak a ni tih a sawi.
Ministry of New & Renewable Energy hnuaiah PM-KUSUM component-B ah loneitute tan solar panel leh pump, subsidy-a pek tura ruahman ka nih thu C Lalrinsanga hian a sawi a. Unit 200 sanction tawhah state sawrkar tum ve tur zaa 30 chu chief minister-in loneitute a ngaihpawimawh em avangin matching share hi pek an ni tawh a, unit 200 bakah unit 1500 dang sanction an hmu leh tawh tih a sawi. SMS atan NABARD-RIDF XXIX hnuaiah cheng nuai 900 an nei tawh tih a sawi bawk.