Leimin vangin Kohima tlawhpawh theihloh

Nagaland a National Highway 29 ah leimin nasa tak avangin mi pakhatin nunna chanin midang pali chinhriatlohin an awm mek a. Nagaland capital Kohima chu commercial hub Dimapur a\angin tlawhpawh theihlohin a awm mek a ni.
Officials te chuan leimin avanga lung leh chirh inchhekkhawm te chuan highway 500 metres vel lai danghchatin hei vang hian Assam, Nagaland leh Manipur te Phrrima leh Pagla Pahar areas a\anga tlawh pawhna te chu a dangchat tiin an sawi.
Leimin hian mi pathum a chhilh nia sawi a ni a, mahse, police te chuan mipakhat chauh a thi tiin an la sawi thung a.
“Ruahsur nasa avanga NH-29 a chihatna nasa tak thlengin min barakhaih hle a, thuneitu ten theihtawp chhuahin harsatna tuartute \anpuina an kalpui mek a ni” tiin Chief Minister Neiphiu Rio chuan a sawi.
Deputy Chief Minister T.R. Zeliang pahwin, “Khuarel chhiatna Pherima leh Pagla Pahar a thleng avanga nunna leh bungrua channa thleng avangin a pawi ka ti hle a. Chhanchhuah hna thawh mek a ni a, chin hriatloha awm te him dam taka an awm theih nan kan \awng\ai a ni “ tiin a sawi.
State sorkar chuan Centre leh National Highways and Infrastructure Development Corporation Limited hnenah a rang thei ang bera nunphung pangngaia thil a kal theihna tura hmala turin ngenna an siam nghal tiin a sawi bawk.
Dimapur \anga 70 km vela hla a awm Kohima ah chuan mipui te hlauthawngin fuel leh essential commodity te an inchuh nasa nghla hle tia sawi a ni bawk a. Leimin in NH29 a tihchhiat avang hian hun eng emaw ti chhung chu kawngpui a tlangmai thei dawn lova ngaih a ni.
Kohima Deputy Commissioner Kumar Ramikant chuan mipui te chu panic buying ti lo tura ngenin fuel leh essential commodity ah tlakchham a awm lova state Capital Kohima-ah mamawh tawk nitin mamawh a awm tiin a sawi bawk.
July 31 a Parliament a data pharhah kum 2017 a\anga July 2024 inkar chhung khan northeast ah leimin hmun 592 ah a thleg a, heng zinga 196 lai chu April leh July inkar thleng a ni tiin sorkar data chuan a tarlang.