Lengpui kawngah lirthei tlan dan tur duang thar

Sairang Zero Point to Lengte peng kawng chu Nidhi Creative Infrastructure Pvt. Ltd. chun black-top hna a thawk dawn a. Hnathawktuten tluang tak leh ngawrh taka an thawh theih nan Aizawl SP chuan he kawnga lirthei tlan dan turah dan tlawhchhanin thupek a chhuah.
Kawng siam hun chhung zing dar 8.00 atanga chawhnu dar 1.00 leh chawhnu dar 2.00 atanga tlai dar 5.00 inkarah 407 truck leh a chunglam chu Sairang Zero Point to Lengte Road-a kal loin Buichali lam kawnga tlan tur a ni a. Kawng siam hun chhung hian maxi cab leh a hnuai lam chu kawngpui pangngai zawhin an tlan thei ang.
Hnathawhna hmun paltlang lirthei veivak enkawl chu kawng siamtu – Nidhi Creative Infrastructure Pvt. Ltd. mawhphurhna a ni ang.
He thupek hian chhiatrupna thil, kangmei leh emergency kaihhnawiha duty, dan leh thupek pawimawh bika police leh magistrate duty-te chetvelna a huam lo a. Thupek hian February 18 atanga March 8 chhung a huam a. Bawhchhia chu u/s 179 Motor Vehicles Act 1988 hmanga hrem theih an ni tih a sawi.