Luman tam tak nei Maoist hruaitu pahnih that

Mohala-Manpur-Ambagarh Chowki district, Chhattisgarh-ah Maoist hel pawl hruaitu hlun tak pahnih, an luman pawh cheng tam tak chhiarte kah hlum an nih thu thuneituten Nilaini khan an sawi.
District Superintendent of Police YP Singh-a chuan inkahna hi Banda Pahad-a Nilaini chawhnua thleng a nih thu a sawi.
“Maoist laka beihpui thlak a nih laiin inkahna hi a thleng a, ram hnuaiah darkar eng emaw zat inkah a ni a. Sipai puak a reh hnua a hmunhma dapnaah Maoist ruang pahnih hmuh a ni ta a ni,” a ti.
Maoist hel pawla mi thah takte hi Vijay Reddy, Dandakaranya Special Zonal Committee (DKSZCM) member leh Lokesh Salame, DKSZCM hnuaia Rajanadgaon-Kanker-Border division committee member a ni tih an finfiah tawh.
Kum 55 mi, Reddy-a hi Andhra Pradesh-a cheng niin a luman pawh sorkarin Rs. nuai 25 a chhiar a ni a. Kum 40 mi, Salame-a hi Rajnangaon, Chhatisgarh-a cheng niin a lumanah Rs. nuai 10 chhiar a ni bawk.
Police officers said additional information about their role in the outlawed CPI (Maoist) organisation would be released later.
“Bastar region-a Maoist helho laka dova beihpui thlakna kal zelah hetiang hi a thleng a. A bul hnai pawh la dap zui zel a ni a, ruang dang pawh kan hmu leh mai theiu,” tiin SP chuan a sawi.
Kuminah hian Chhattisgarh-ah hian silaia inbeihnaah Maoist 229 thah tawh an ni.