Lunglei-a sawhthing hralhnaah
support price nuai 420 pe tawh
Lunglei district-a secondary collection centre kaltlanga sawhthing hralhtu kuthnathawktute hnenah sawrkarin support price cheng nuai 420 chuang a pechhuak tawh.
District Agricultural Marketing Committee (DAMC) Lunglei chu an chairman, district bawrhsap Navneet Mann hoin Nilaini khan an thukhawm a. Thlai thar lei leh hralh chungchanga hma lakna thlirin, hmachhawp an sawi ho.
Kumin February 20 atanga Lunglei district-a sawhthing lei leh hralh dan report a ni a. May 14 thleng khan Lunglei district-a secondary collection centre 6 – Hrangchalkawn, Tawipui North-I, Haulawng, Buarpui, Thenhlum leh Phairuangkai SCC kaltlanga sawhthing hralh quintal 8432.49-ah sawrkar chuan support price Rs. 4,21,62,450 a pe tawh.
A thawh khatnaah quintal 1788.59 atana support price Rs. 89,42,950 leh a thawh hnihnaah quintal 3878.46 atan support price Rs. 1,93,92,300 chu sawhthing chingtute bank account-ah a thun tawh a ni. A thawh thumnaa quintal 2765.44 atana support price Rs. 1,38,27,200 pawh tihfel tawh niin, bank-ah dah luh mek a ni.
Lunglei-a sawhthing hralhnaah support price nuai 420 pe tawh
Get real time updates directly on you device, subscribe now.