Lungleiah NPS Vatsalya Scheme tlangzarh tur zirho

Sawrkar laipui Ministry of Finance-in a tlangzarh tur, New Pension Scheme (NPS) Vatsalya Scheme pualin nimin chawhma khan National Bank for Agriculture and Rural Development (NABARD) leh Lead Bank Office, Lunglei te buatsaihin Lunglei Venglaia Graceland English School-ah he ruahmanna chungchang zirhona hun hman a ni.
NABARD Lungleia District Development Manager Chiinngaihkim Phiamphu chuan NPS Vatsalya Scheme chungchang a sawifiah a. NPS Vatsalya Scheme chu sawrkar laipui ruahmanna thar a nih thu sawiin, he scheme kal tlang hian kum 18 hnuai lam tan nu leh pate’n Rs 1,000/-in account an hawnsak theih thu leh chu chu kum 18 an tlin huna hman chhunzawm theih nghal tura duan a nih thu a sawi a. NPS Vatsalya Scheme hnuaiah hian kum 3 account tihnun a nih chuan pawisa dah luh atanga 25% lak chhuah theih a nih tur thu leh account holder a thih chuan an nu leh pate’n an pawisa dahte an lak let theih tur thu a sawi bawk.
NPS Vatsalya Scheme hi Union Finance Minister Nirmala Sitharaman chuan nimin tlai dar 3 khan a tlangzarh a ni.