Lungleiah zirtirtute inzir

Mizoram Board of School Education chuan Lungleiah ‘Online Application Software and Integrated Digital Payment System’ tih thupui hmangin ni 5 awh tur training a buatsaih chu nimin khan tan a ni. Training-ah hian district pali – Lunglei, Siaha, Lawngtlai, leh Hnahthial atangin high school leh higher secondary school zirtirtute an tel.
Training-ah hian MBSE online portal thara online registration tih dan, online-a exam form fil-up dan, affiliation dil leh fee pek dan bakah thil thar MBSE portal-a awmte zir ho a ni a. Heng bakah hian MBSE-in a hman mek Integrated Evaluation Scheme (IES) chungchang zir hoin, online portal hmanga internal mark submit dan an zir bawk.
Training hi Mizoram puma High School Leaving Certificate leh Higher Secondary School Leaving Certificate Exam Centre leh an feeder school pakhat theuhte tan buatsaih a ni dawn a Aizawl district-ah training buatsaih zawh tawh niin, Lungleiah training neih a ni.