Mamata in PM Modi chhanglet nghal sak

Bengaluru a Rameshwaram Cafe a bomb puak chhuichiannaah a titu te nia rinhlelh pahnih chu Bengal a East Midnapore district chhui thlen a nihna chuan politics thilah rorel lai Trinamool Congress leh opposition Bharatiya Janata Party te inbeihna nasa tak a thlen mek a.
Chief Minister Mamata Banerjee chuan Bengal Cooch Behar a election rally a neihnaah a hma lawka Prime Minister Narendra Modi an Mamata hnuaiah Bengal chu ‘firfiakte himna hmun’ a tih chu a chhang let nghal a. Mamata chuan, “Mi pahnih rinhlelh mante hi Bengal a cheng an ni lo va, biru an ni a, darkar hnih chhungin kan man nghal a ni” tiin a sawi.
“Bengal ah remna leh muanna a awm BJP te hian an hmu thei lo” tiin Trinamool boss chuan a sawi bawk a, BJP rorelna Uttar Pradesh, Rajasthan leh Bihar te aiin Bengal chu a him zawk a ti bawk.
Senior Trinamool leader Kunal Ghosh pawhin BJP te chu beoilet bawkin arrenting agency – National Investigation Agency or NIA te chuan ‘state police te thawhpuina thatak an pawm lo thei lo’ a ti a. “Rinhlelh pahnih man kaihhnawiha press release an siamah pawh state police te thawhpuina tha an sawi lang a ni” a ti bawk.
Ghosh chuan Bengal police te chu anti-national forces te rahbehna lamah an nghet hle a ti a, agencies dang te pawh tha takin an thawhpui reng a ti bawk a. Rameshwaram Cafe bomb puaka mi 10 in hliam an tawrhnaah khan NIA tena thu an zawhfiah zingah BJP worker pakhat a tel zawk a ti bawk.
Bomb tihpuaha rinhlelh man pahnih Mussavir Hussain Shazeb leh Abdul Matheen Taha te chu sulsutu bera ngaih an ni a. Taha hian logistics vel buaipuiin Shazeb chuan bomb a kam thung tia sawi a ni a. Chhui zui an nihnaah Kanthi, Kolkata atanga 180 km a hla khaw tereuhteah chhuiluh an ni.
Kanthi hi BJP hotu Suvendu Adhikari chakna hmun niin TMC a awm laia Banerjee nena inhnimhnai tak an ni a, kum 2021 Bengal Assembly inthlan hma lawk khan BJP ah a lut a. Adhikari chuan Nandigram seat inchuhnaah Banerjee chu a hneh zui nghe nghe a ni.
Adhikari an tihelnaah Trinamool leader te chuan helai region-a ‘prominent political family’ leh Rameshwaram Cafe bomber te chuan inzawmna an nei lo maw an ti ve bawk a.
“Eng vangin nge Kanthi ah man an nih, inzawmna thil awm a awm em? Mamata Banerjee pawhin engtiangin nge Kanthi ah kher an bikruk a ti tawh” tiin Trinamool hruaitu Dr Shashi Panja chuan a sawi bawk a. “BJP te chuan hei hi a tlangthan an hlau a, mipui rilru lakpen nan chet an la a ni” tiin a sawi bawk.
March 1 a Bengaluru a Rameshwaram Cafe a bomb tihpuah avang khan mi 10 in hliam an tuar a. Vanneihthlak takin nunna chan an awm lo thung a.
Bomb puah hnuah NIA te chuan thlalak leh video bomb tipuaktu te ni ngeia an ngaih chu CCTV hmanga lak lachhuakin an tichhuak zui a ni.
Agency te chuan bomb tipuaktu nia rinhlelhte awmna hrilh thei hnenah lawmman Rs 10 lakh pek an intiam nghla bawk a. Nasa taka chhuizuina leh an thian te nia hriatte pawh thuzawhfiah an ni bawk.