Mamitah CD Ratio ziaawm

k awmten mipuiin an hnena sum an dahluh zat leh mipui hnena loan leh a dangte hmanga sum an luanchhuah tir zat, Credit Deposit Ratio chu district dang thenkhat aiin a ziaawm nia hriat a ni.
Special District Consultative Committee (DCC), District Level Review Committee (DLRC), District Level Security Committee (DLSC) chu chairman, bawrhsap VL Remliana hoin an thukhawm a. Kum 2023-2024 March quarter chhunga Mamit district-a bank hrang hrang hmalakna an thlirlet.
Mamit district-a bank ho March quarter-a an Credit Deposit Ratio chu za zelah 74.11 a ni a, nikum December quarter-ah khan 78.94 a ni thung. CD Ratio tha tehnaah zaa 65-75 inkar vel chu tha thawkhata ngaih a ni.
Social security scheme hrang hranga hmalakna thlirho niin, March quarter chhung hian PMJDY hnuaiah mipa 13951 leh hmeichhia 18657, an vaiin 32608 ti thar an awm a. PMJJBY enrollment ti thar 9234 leh PMSBY a in-register mi 15262 an awm. March quarter chhung hian Financial Literacy Campaign vawi 37 neih a ni.