Manipur-a Zofate tan Rs 17 lakh hmuchhuak

Lelte Award Organising Committee bultuma Manipur-a Zohnahthlak harsatna tawkte tana vehbur khawnna Helping Hands Charity Concert leh Aizawl khawpui chhung hmun hrang hranga vehbur khawnna atanga an sum hmuh chu Rs 17,61,908 a tling a, heng sum tlingkhawm te hi Manipur-a zofate ten an mamawh zualna Eastern Zone Command, Western Zone Command leh Central Zone Command-ah te pek an tum niin a buaipuitu te chuan an sawi.
Helping Hands Charity Concert hi August ni 15 leh ni 16 zanah Vanapa Hall-ah neih a ni a, he zan hnih concert chhunga mi inphal te sum thawh tlingkhawm chu Rs 8,70,443 a tling a, August ni 18-ah Aizawl hmun lun lai thenkhat Mt. Carmel School nena tangkawpin tanpuina thawh duh te tan bawm dawh leh niin, heta sum an khawn chhuah hi Rs 8,91,645 a tling a, charity concert nena an sum hmuh chu Rs 17,61,908 a tling ta a ni.
He charity concert chief organiser Lelte Editor C. Dinthanga cuan sum hlawm khawn chhuah that theihna ber tura an beisei MINECO-ah charity khawn nan permit an neih loh avangin an khawn thei rih lo a, hun danga khawn leh tho an tum niin a sawi a, organising committee chuan concert-a a tlawmngaia zai zaithiam zawng zawng leh Mt. Carmel School principal leh zirlaite chungah lawmthu an sawi a ni.