Manipur-ah Kuki-Zo ten lungawilohna lantir

Manipur-a Churachandpur leh Kangkokpi district bakah New Delhi-ah Kuki-Zo te chuan community village volunteer pahnih kar kalta Inrinnia Kangkokpi district a kahhlum an nih hnuah lungawilohna an lantir a.
Delhi-a Kuki students body te chuan Prime Minister narendra Modi leh Home Minister Amit Shah te hnenah lehkha thawn bawkin PM Modi chuan Manipur a tlawh chu tihmakmawh a ni tawh an ti a. Shah chuan ziak ngeiin Kuki-Zo te chu thu a tiam a ngai a ni an ti bawk.
Tharum thawhna thleng chu thla khat dawn boruak tang a awm loh hnuah leh inthlan dawn ruaia htleng niin Kuki-Zo community te chuan Kangpokpi leh Churachandpur kawtthlerah te lungawilohna an lantir a ni.
Kar kalta chhung zawng khan State a political party te chuan Lok Sabha inthlan atana campaign an kalpui chungin voters te ah inthlan ngaihsakna reng a awm lo thung.
Tharum thawhna leh lungawilohna thlen karah hian Home Minister Amit Shah chuan Imphal-ah campaign a nei dawn tih a ni bawk a.
Hetih lai hian Kuki-Zo hmeichhia te, social worker leh journalist bakah Outer Manipur MP hlui Kim gangte te chuan Chief Election Commissioner of India Rajiv Kumar hnenah “Global Kuki-Zomi-Hmar Women community” te chuan Lok Sabha inthlan chu an boycott tur thu a hriattir bawk.
“Rilru na tak chungin kan community a hmeichhiate chuan kum 2024 Lok Sabha inthlan hi kan boycott dawn a ni. Thutlukna siam har tak a ni a, mahse, tun sorkar mek national leh state level a sorkar mek teah hianrinna kan nei lo” tiin an sawi.
Churachandpur a Motbung area-ah chuan Kuki-Zo civil society organisation leh apex tribe bodies te chuan kawngzawhna neiin banner te kengin tun hnaia village volunteer pahnih rawng lutuka tihhlum chu an duhlohzia an lantir a ni.
Committee on Tribal Unity te chuan thuchhuah siamin Kangpokpi district chu nikhat shutdown ni se an ti a. Kuki Students’ Organisation (KSO) te chuan DC office opposite ah candle-light vigil neiin hriatrengna hun an hmang thung.
Delhi-a Jantar Mantar ah pawh KSO Delhi NCR unit huaihawtin Kuki-Zo Women’s Forum, Delhi te chuan lungawilohna lantirin mi tam tak an pungkhawm a. Manipur sorkar Biren Singh kaihhruai chuan hnam anga insuatna an kalpui a ni an ti a. Poster tarah Sorkar silai in pek ang zah kha min pe ve rawh u tih te pawh a tel.
Prime Minister, Narendra Modi, Home Minister Amit Shah, President Droupadi Murmu leh Leader of the Opposition Kharge hnena lehkha an thawnah KSO te chuan radical Meitei outfit Arambai Tengol te chuan Valley-based insurgent group te, Manipur police te puihna in Kuki-Zo khua Kangpokpu bula mi chu Inrinni khan an bei a, Kuki-Zo village volunteer tihlumin an ruangte chu an sawisa zui a ni an ti.