Mariah Carey-i’n BET Ultimate Icon Award dawng

Mariah Carey-i’n BET Ultimate Icon Award dawng
Mariah Carey chuan 2025 BET Awards-ah Ultimate Icon Award a dawng a, BET Award a dawn vawi khatna a ni a, Carey hi perform nghalin, BET stage-a a vawi khatna perform-na a ni bawk.
Carey award dawn hi Busta Rhymes-a’n lanin, Carey chu ‘chuai thei lo’ tiin a comment a, Carey pawhin a BET Award dawn hmasak ber a nih thu te sawiin, “Ka nun leh ka career hi a tluang purh bik lo. Eng emawti hnuah kan nun hi miten tha an tih anga hman tuma buai nan chuan a tawi lutuk tih ka hrechhuak ta a,” a ti a, mahni nihna pawm chunga ‘diva’ nih thiam turin a fuih bawk.
Mariah Carey bakah Jamie Foxx, Kirk Franklin leh Snoop Dogg ten BET Ultimate Icon Award hi an dawng a, he award hi music, entertainment, advocacy leh vantlang tana an thawh hlawk avanga hlan thin a ni.
Mariah Carey hi a perform bawk a, ‘Type Dangerous’ hla sanin, he hla producer Anderson. Paak-a’n drums a vuak sak a, Rakim pawh inlanin, ani hian 1986 a Eric B & Rakim classic debut single ‘Eric B. Is President’ tih hla ‘Type Dangerous’-ah pawh a hla thu thenkhat an seng luh chu a rawn perform pui a, a tawp lamah Carey hian a signature, note sang takaa zaiin, 2005-a a hla hit ‘It’s Like That’ a sak leh bawk.
Type Dangerous hi Carey studio album 16-na tur atanga a lead single a ni a, Zirtawpni kalta khan a tichhuak chiah bawk.