Mauritius tan puihna pek a ni dawn – Modi

Mauritius tan puihna pek
a ni dawn – Modi
Mauritius tana hmasawnna ruhrel, eizawnna leh healthcare atan special economic package pek a ni dawn tih Prime Minister Narendra Modi-a’n a puang.
Ningani khan India-a cham mek, Mauritius Prime Minister Navinchandra Ramgoolam-a leh Prime Minister Modia hi Varanasi, Uttar Pradesh-ah an inkawm a. Ram pahnihte hian thawhdunna tur inremna thuthlung pali an ziak.
An inkawm zawha thuchhuah intawm an siamah prime minister chuan ram pahnih thawh dunna tihngheh zel an rem ti tih a sawi a. India leh Mauritius chu ram pahnih ni mah se an hmathlir erawh thuhmun a ni tih a sawi.
Modi-a chuan ram pahnih thawk dun mai ni lovin chhungkhat ang hial an nih thu a sawi bawk.
Prime Minister Modi-a chuan inremna an ziah zingah hian IIT Madras leh Indian Institute of Plantation Management ten University of Mauritius nena thawh dunna a tel thu a sawi bawk.