Mayawati thlaktu tur Akash Anand

BSP chief Mayawati chuan December 10 khan a nephew Akash Anand chu uttaradhikari (heir)atan a puang tiin party office-bearer chuan a sawi.
“Akash (Anand) chu Mayawati chuan uttaradhikari (heir) ah a puang” tiin Udayveer Singh, BSP’s Shahjahanpur district unit chief chuan a sawi a.
“Anand chu ram pum huapin Uttar Pradesh tih chauh lohah party organisation tichak tura mawhphurhna pek a ni,” tiin Singh chuan a sawi bawk.
Singh chuan a aiawh tura Anand a ruatna hi ram chhung hmun hrang hrang atanga party leader te intawhkhawmnaah a puang a ni tiin a sawi bawk a. “Mayawati chuan Anand chuan a thlak ang a ti a ni,” tiin a sawi.
Akash Anand hi kum 22 mi lek kum 2017 khan politics a luhchilh tawh a. London atanga MBA graduate niin Uttar Pradesh a Saharanpur a Mayawati rally neihnaah inlan hmasa berin dawhsanah Akhilesh Yadav leh Ajit Singh te nen an thu ho a ni.
Kum 2019 khan Akash Anand chuan rally hmasa ber neiin Uttar Pradesh-a Agra-ah a nei a. Khatih lai khan BSP chu Mahagathbandhan, kum 2019 Lok Sabha inthlan dawna anti-Congress, anti-BJP bloc Akhilesh Yadav leh Mayawati bakah Ajit Singh, Rashtirya Lok Dal te kaihhruaia kalpui kha a ni.
Tunah BSP national coordinator ni mekin tun hnaia Rajasthan assembly poll-ah pawh khan in-charge a dah a bni a. Madhya Pradesh, Chhattisgarh leh Telangana-ah te pawh lo thawk hrep tawh a ni bawk a. Mayawati pawhin Dalits, religious minorities, OBCs leh tribal te issue chungchanga poll campaign neihna tura ruahmantuah a dah bawk.
Akash Anand hi Mayawati chuan hun rei tak a chhe tawh a, Mayawati unaupa Anand Kumar fapa niin BSP circle-ah chuan a lar hle tawh a ni.