Mexico ah lungawilohna lantirtu tam hle

Mexico capital ah mipui tam tak pungkhawmin June thla a presidential election neih hmaa electoral authority thlak danglam an duhlohna an lantir a ni.
Mexico City sorkar chuan lungawilohna lantir mipui Zocalo Square a pungkhawm hi 90,000 chuang an ni tiin a sawi a, mahse, rally organiser te chuan chu aia tam fe an nih thu an sawi thung.
Opposition te chuan President Andres Manuel Lopez Obrador chu autonomous, non-partisan body National Electoral Institute tihchakloh tumah an puh a. Obrador thung chuan INE chu thleklam nei leh corrupt a ti ve thung.
Kum 2018 presidentila election a thlantlin a nih atang khan Lopex Obrador chuan INE reform awm theih nan hma a la char char a, reform a nih chuan kum khatah $150 million humhim a ni thei ang a, agency staff tam tak tihhniam a ni ang a ti.
“Kan autonomous institution in beih a tawh hi kan rem ti lo, kan democracy humhim kan duh a, INE hi independent ni reng se kan duh a, kan president hian inthlanna kaihhnawihah inhnamhnawihna nei suh se” tiin lungawilo zinga tel Diana Arnaiz chuan a sawi.
Maria de Jesus Torres, rally naa tel ve bawk chuan, “Mexicans maktaduai tel ten sorkar hmalakna mek hi kan duh lo, kan fate leh tute tana lo penchhuak ka ni” tiin a sawi.
Lopex Obrador hian president a chuh tawh dawn lo thung a, a chhan chu Mexican president chu single six-year term a nih avangin chuh thei a ni tawh lo.
Lopex Obrador chuan Mexico City Mayor Claudio Sheinbaum, tuna opinion poll laka tling tura ngaih ber chu a thlawp thung a ni.
Sheinbaum hi ruling Morena party member niin Pathianni khan registration paper thehluhin a din tur thu a tichiang zui bawk.