MHIP-in thuneitute ngen

MHIP Gen. Hqrs. thuchhuak chuan 2024 March 17-a V Lalhmingthangi (52) w/o Zothanmawia, Tuikual South thihna leh a thih dan chu pawi an tiin a chhungte leh a fate an tawrhpui tih an sawi. He thihnaa mawhphurtu nia rin, rang taka man chhuah a ni chu lawmawm an tiin, pawikhawihtu chu dan anga an phu tawk hremna pe ngei turin thuneitute a ngen tih a sawi.
2024 March 11 khan ZMC-a nau nei tura kal, Laltanpuii (41) w/o Chanchinmawia, Lengpui chu ngaihsak a hlawh tawk loh avangin nau chungah a thi tih MHIP Gen. Hqrs. hian sawi bawkin, hei hi pawi an tiin a kalsan tak a chhungte an tawrhpui tih a sawi. ‘Hetianga nau chunga thihna leh vanduaina thleng awm leh thin hi fimkhur a, nunna hlu tak kan chan tawh lohna turin damdawi ina thawktute inenfiah a, tan la thar turin leh, sawrkar pawhin nau chunga thihna a thlen tawh lohna’n hma la turin kan ngen a ni,’ a ti.