Mi 40-in Covid-19 vei tawh

Khawvel ram dang ang bawkin Mizoramah pawh Covid-19 a awm nghet tawh a, a vei pawh hriatchhuah a ni ve deuh reng. Kuminah pawh mi 40-in an vei tawh.
Kuminah May atangin Covid-19 vei hriatchhuah an awm a, May hnuah thla tin an la awm. Thuneitu lam chuan he hri vei hriatchhuah hi an awm thin tura ngaih a nih thu an sawi a, kumina hriatchhuah zat hi tam an ti lo.
Integrated Disease Surveillance Programme (IDSP) chhinchhiah danin, May-ah mi pahnihin an vei a, June-ah paliin, July-ah 13-in, August-ah 20 an vei. September-ah ni 24 thleng khan hri vei hriatchhuah zat hi pakhat a ni a, ni 16-a hriatchhuah niin, ni 22-ah damin a chhuak.
Kum laihawlah India ram hmun thenkhatah hri vei hriatchhuah zat a pung a, India sorkar duh danin state dangte ang bawkin Mizoramah pawh a do hna ngawrh zawka thawh a ni. Mahse vanneihthlak takin hri hi a nasa rih lo.
Thu dawn danin, kumina hri vei hriatchhuahte hi natna dang vanga damdawi ina enkawl, fimkhur thua endikna lama hriatchhuah an ni hlawm a, na tak an awm lo.
Mi 40 zinga 24 chu mipa an ni a, mi 40 zinga a tam zawk chu naupang an ni.
Mizorama hri vei zat
2020-ah 4216
2021-ah 137449
2022-ah 97299
2023-ah 598
2024-ah 73
2025-ah 40
(Sept 24 thleng)