Miami Open final: Rybakina vs Collins

Ningani khan fourth seed Elena Rybakina chuan 6-4 0-6 7-6 (7-2)-a Victoria Azarenka hnehin, nikum ang bawkin Miami Open final a lut a, zanin hian unseeded Danielle Collins nen champion nih an inchuh ang.
Kazakhstan nula Rybakina kha Miami title vawithum hawn tawh Belarusian Azarenka lakah rinkai lo zawk ni mah se set hnihna hloh chungin hnehna a chang a; nikum final-ah Czech Petra Kvitova hneh lo mah se kuminah title beisei zui leh turin final a chuangkai leh a, 14th seed Ekaterina Alexandrova paltlangtu American Collins lakah nikuma a title hloh lalet turin khelmual a lut leh dawn a ni.
Nikum khan 2022 Wimbledon champion Rybakina hian Indian Wells title hum chungin Miami final a khel a, a chunga tarlan tawh angiin, Kvitova a hneh zawh loh avang khan ‘Sunshine Double’ a hlawhchhuak zo ta lo a ni.
Inrinni WTA 1000 prize final-ah hi chuan kum 24 mi Rybakina hi Collins laka hnehna chang zawk thei tura mite rin a ni.