Michael Jackson biopic tlangzarh hun sawn

Michael Jackson biopic tlangzarh hun sawn
Michael Jackson biopic tlangzarh hun tur an sawn a, October ni 3, 2025 an ti ta daih mai. He biopic i April ni 18, 2025-a tlangzarh an tum kha a ni a, mahse, thla ruk ngawtin a tlangzarh hun tur hi an sawn hla ta a ni.
He biopic-ah hian Jaafar Jackson chu Michael Jackson lemah a chang a, Jaafar hi Michael Jackson unaupa Jermaine Jackson fapa a ni. He biopic-ah hian Nia Long, Laura Harrier, Miles Teller leh Colman Domingo te pawh an inlan. Fuqua direct niin, John Logan script ziah niin, Graham King, John Branca leh John McClain te produce a ni.
He biopic footage hi April thlaa CinemaCon-ah an lo tichhuak tawh a, chutah chuan he movie-ah hian hla 30 a awm dawn niin an sawi a, a film pawh hi darkar hnih chuang awh a ni ang.
Michael Jackson khan hla hit a ngah hle a, Billboard Hot 100 chart-a No.1 kai thei pawh solo artist angin hla 13 a nei a, top 10-a lang thei phei chu hla 30 a nei. A album Thriller phei chu khawvela album hralh kal berte zinga mi niin Billboard Top LPs & Tapes chart-ah hian a zawn ni lovin kar 37 a No.1 thei a, he album-a hla pasarih chu Billboard Hot 100 chart top 10-ah a lang thei a, hetiang tithei hmasa ber a ni. Jackson hian 1970s, 1980s, 1990s, 2000s leh 2010s-ah te Billboard Hot 100 top 10-a lang thei hla a nei vek a, hetiang tithei awm chhun a ni bawk.