Minister Dr Vanlalthlana kan chhuang – ZPM Thalai

On Mar 7, 2026 1 0

Minister Dr Vanlalthlana kan chhuang
– ZPM Thalai
Minister Dr Vanlalthlana chu a department chana a hmalakna hrang hrang avangin an chhuang a, Mizoram-a zirna siamtha turin an ring tawk tih ZPM Thalai chuan an sawi.
ZPM Thalai Hqrs thuchhuak chuan, sawrkar hmasa ten Education department chu veina tak tak nei loin, duhsak zawng sawrkar hnaa bengluhna atan an lo hmang tawh thin tih a sawi a. MNF term kaltaah advertisment chhuah loin sawrkar hna 695 lak niin, hengah hiah qualified lo engemawzat an awm bakah an posting-a awm lo tam tak awmin, restricted hmangin an duhsak zawng tender 172 an chhuah bawk tih a sawi.
‘Hetianga Education department sawisak hi Education minister ni mek Pu Vanlalthlana chuan duh loin, India danpui bawhchhiatna a ni tih hria in, Education department a chan tirh atanga tun thlengin advertisement chhuah loa hna lak a awm ta loa, school leh college-ah qualified teacher chiah lak tawh tur niin, contract works pawh open tender chhuah a ni ta hi kan lawm hle,’ a ti.
Education leh Higher & Technical Education enkawltu minister hnuaiah nasa taka ‘eduacation reform’ kalpui a nih thu leh, department-a file leh document pawimawh dahthatna turin ‘legacy scanning system’ kalpui niin, SCERT hnuaiah Standardized Assesment for Elementary School kalpui a nih bakah common question hmanga exam kalpui mek a ni tih ZPM Thalai hian an sawi.
Zirlai nu leh pa leh zirtirtute duh danin school calendar system pawh thlak danglam a ni dawn a. SCERT hnuaiah vek free textbook kalpui a nih zel theihnan state budget-ah cheng vaibelchhe 700 dah a ni tih sawiin, ‘H&TE department-ah hmasawnna sang tak hmuh zel beisei a ni a, National Institute of Technology Lengpui chu hman a nih theihnan forest clearance tihfel a ni tawh a, hemi atana clearance rate vbch. 24 pek tur chu chief minister leh Lok Sabha MP hmalaknain vbch.10-a tihhniam a ni ta hi a lawmawm a, kum 2019-a Prime minister Narendra Modi lo hawn tawh Mizoram Engineering College Pukpui pawh a thuamthatna atan vbch. 30 sen a ni,’ thuchhuah hian a ti.