Minister nih loh vanga lungawilo te thlamuan

Aizawl South-II bialtu MLA Lalchhuanthanga chuan sawrkar thara minister a nih loh avanga a bial chhung mi zinga lungawilote chu minister a nih loh vanga lawm zawk turin a chah.
Aizawl South-II bialtu MLA hian a bial chhunga kum kalta MLA fund hmanga hnathawh ITI Venga MHIP In a hawng a. MLA inthlan term hmasaah ITI Vengah polling booth tinah a chak hnu ah tun tum inthlanah pawh booth tinah a hma aia nasaa chakna an pe chu a lawm hle tih a sawi.
“Minister ka nih loh avanga lungawilo leh rilru dam thei lo in awm tih ka hria a, min duhsaknaah ka lawm em em a ni. Amaherawhchu, minister ka ni lo hi lawm zawk rawh u, minister ka nih chuan ram pum huap a ni a, tunah hian ZPM chuan sawrkarna kan siam ta a, ka bial chhung hneh takin ka enkawl theih phah dawn che u a, bial mipui leh keima tan pawh kan vanneihna zawk a ni,” a ti.