Mission UPSC tiin thlak

Mizoram sawrkar hmalaknaa Mizo zinga IAS officer tling tura beihpui thlakna – “Super IAS” tia hming vuah chu Mission UPSC tia thlak a ni tih Mizoram Youth Commission chairman Malsawmzuala Ralte chuan a sawi.
February 24 tlai khan MYC enkawl UPSC exam tura Delhi-a inbuatsaiha awm mek, Mizo thalai 10 chu Malsawmzuala Ralte hian kawmin Delhi Mizoram House-ah zanriah a kilpui a. Ama sawm angin Vision IAS Coaching Centre zirtirtu Satender-a’n prelims exam tura inbuatsaih dan leh hmachhawn dan tur kawng kawhhmuhin thu a sawi.
Super IAS tih thin kha Mission UPSC tia thlak a nih thu MYC chairman hian sawiin, exam turte chu an tih ve tur lam inbuatsaihnaah theihtawp chhuah turin a fuih.
UPSC exam tura inbuatsaih mekte hian an harsatna tawh lo hrilhin, MYC chairman chuan a theih anga sutkian an tum tur thu a sawi a ni.