Mithun-a’n Padma Bhushan dawng dawn

Padma Awards 2024 dawng tura thlan te hming chu Ningani zan khan puan a ni ta a, Indian cinema a sulhnu ngah tak, keini pawhin Indian film star kan hriat lar hmasak te zinga mi Mithun Chakraborty chu Padma Bhushan dawng tura thlan a ni a, ani bakah zaithiam, Queen of Indian Pop an tih hialUsha Uthup pawh Padma Bhushan dawng tura thlan a ni bawk.
Mithun Chakraborty hi Bengali leh Hindi film lama sulhnu ngah tak niin, ‘Disco Dancer’ kha kan hmelhriat tanna a ni. Vawiin thlengin lemchan lamah a la inlan zauh zauh a, TV lamah pawh reality show endiktuah hmuh tur a la awm fo a ni.
Kumin hian Central sorkar chuan Padma Shri dawng tur mi 117 hming a puang bawk a, chung zingah chuan tennis player Rohan Bopanna leh hockey player Harbinder Singh te pawh an tel.