Mizonu hnenah Nightingale Award
Nursing lama thawktha mi 15 hnenah India ram chawimawina sang National Florence Nightingale Awards 2024 chu Nilaini khan India President Droupadi Murmu chuan a chenna Rashtrapati Bhavan-ah a hlan a, an zingah hian H Mankimi, Serchhip a tel.
H. Mankimi hian kum 1986 khan GNM Durtlang Hospital atangin nurse hna a zir zo a, Durtlang Hospital-ah kum thum thawk zuiin 1991 September 7 khan sawrkarah a lut. 2023 March 5 khan Serchhip District Hospital-ah Ward superintendent-ah a kaisang a, kumin March khan he hna atang hian superanuation pension-in a chhuak a ni.
Nurse hna a thawh chhung hian hmun hrang hrangah thawkin Maternity Ward (Nau neihna Ward) ah hun tam tak a hmang a, hnathawh thiam tak niin, a hnathawh that avangin he chawimawina hi a dawng a ni.
Kum 2007-a India sawrkarin Florence Nightingale Awards a tuaihnum that hnu ah Mizoram nurse 12-in he award hi an dawng tawh a. Certificate of Merit, sumfai Rs. 1,00,000 leh a medal a kengtel.
Award hlannaah hian Union Health & Family Welfare minister Jagat Prakash Nadda, minister of state for Health & Family Welfare Anupriya Patel leh sawrkar mi pawimawh dangte an tel a ni.