Ministry of Home Affairs chuan nimin khan Republic Day 2024 denchhenin Police hnathawk tha te chawimawina sang Police Medal hrang hrang chu Mizoram Police Officer pali te hnenah a hlan.
Lalbiakthanga Khiangte, IPS, Inspector General of Police (Hqrs) leh Chief Public Relation Officer (CPRO) Mizoram Police Media Cell ni bawk chuan an thawhpui chawimawina dawng te chu an lawmpui tak zet tih a sawi a. Hna thawk tha leh mi entawntlak an nei chu Mizoram Police chuan an chhuangin an chawimawina dawn an ngaihlu tak zet tih a sawi a. An chhungkua leh laina hnaite zawng zawng pawh an lawmpui tak zet tih a sawi bawk.
-- Advertisement --
Chawimawhna dawng te :
1). C.Lalzahngoa, MPS, Secretary to Government of Mizoram – President’s Police Medal for Distinguished Service,
2). Rex Zarzoliana Vanchhawng, MPS, Sr. Superintendent of Police, Aizawl District – Police Medal for Meritorious Service,
3). Zokunga Hauzel, Inspector of Police, 3rd Bn. MAP – Police Medal for Meritorious Service, leh
4). CD Lalhmingmawii, Sub- Inspector of Police, Security Unit – Police Medal for Meritorious Service.