Mizoram tan taekwondo medal pathum

Visakapatnam, Andra Pradesh-a khelh zawh tak 7th Cadet Kyorugi & Poomsae Championship-ah Mizoram chuan silver leh bronze medal pakhat ve ve an hlawhchhuak.
Pathiannia zawh fel tak he championship-a Mizoram tana silver medal latu hi Junior Service-a awm mek Aditya Srivastava niin, round hmasa lama Punjab, Haryana leh Tamil Nadu aiawh a paltlang hnuah final a lut a, gold medal bout-ah hian Maharastra player chuan 13-10, 10-10, 7-11-in a hneh a, silver a lungawipui mai a ngai!
Mizoram tana bronze medal awrhtu pahnihte chu Khawruhlian nula, tuna SAI Aizawla awm mek Esther Vanthangpuii leh TABF a zir mek, Chanmari West chhuanvawr Lalruatpuiate an ni.
Vanthangpuii hian Uttarakhand leh Jharkhan player a hneh hnuin semi final-ah 3-0, 6-9, 9-2-in Gujarat aiawh a paltlang zo lo.
Mizoram tana bronze medal hawntu dang Ruatpuia’n Jammu & Kashmir, Madhya Pradesh leh Punjab player-te a hneh hnuin semi-final lamah Uttar Pradesh aiawh nen intumin 18-8, 14-12 , 12-14-in a a tlawm ve bawk.
Poomasae lamah pair-a chhuak Belina Lalmalsawmi (Armed Veng) leh Reuben Lalruatdika(Chaltlang)-te chuan final round lut mah se medal la pha loin an tawp thung.
Mizoram team hi Lalthlamuanpuia leh Doris Lalhmangaihzualite’n an hruai a; referee officialin niin Lalinpuia a kal bawk.
Mizoram taekwondo team hian vawiinah Aizawl an lo thlen beisei a ni.