MJA Serchhip-in thilpek hlan

MJA Serchhip District chuan Serchhip District Hospital Poor Fund bakah Serchhip District Jail tanpuina atan member-te sum thawhkhawm atangin puihna an hlan.
Serchhip MJA president C. Lalhminghlua chuan Serchhip District Hospital Poor Fund atan Rs. 5000 a hlan a; MJA Serchhip District OB-ten District Jail-ah thilpek pe bawkin, jail tangte ei atan Rs. 5000 man hu chawhmeh an hlan bawk.
MJA Serchhip District member-te thawhkhawm hi a vaiin Rs. 14000 a ni a, District Hospital Serchhip Poor Fund atan Rs. 5000, District Jail Serchhip chawhmeh leina atan Rs. 5000, Community Health Centre Thenzawl Poor Fund atan Rs. 2000 leh Integrated Ayush Hospital Thenzawl Poor Fund atan Rs. 2000 an hlan a, Thenzawl bika Poor Fund hi vawiin – Zirtawpni hian pek tum a ni.