Morgan Wallen “I’m te Problem” a la No.1

Morgan Wallen “I’m te Problem” a la No.1
Morgan Wallen album “I’m the Problem” chu Billboard 200 chart-ah a No.1 a, he chart-a kar li a No.1-na a ni ta. Hetihrual hian Lil Wayne, ENHYPEN, Addison Rae, My Chemical Romance leh Turnstile te pawh top 10-ah an lang.
Billboard 200 (albums) chart hi kar khat chhunga US-a album hralh tam dan atanga tehin chart ranking siam a ni a, album hralh zat chhut nan hian album tak tak hralhna bakah streaming atanga album hralh tlukpui leh album a hla a mala hralhna atanga album tlukpui te belhkhawm thin a ni.
“I’m the Problem” hi kar khat chhungin 2,09,000 an hralh leh a, chung zinga 1,97,000 chu streaming (on-demand official stream maktaduai 257.9) niin, album tak tak hralh chu 10,500 a ni a, album-a hla a mala hralhna atangin 1,500 a tling thei bawk.
Lil Waye album thar ‘Tha Carter VI’ chu 1,08,000 hralhin No.2-a a debut a, streaming atabgub 73,000 (on-demand official streammaktaduai 97.06) niin, album tak tak hralh chu 34,000 a ni a, a mala hla hralhna atangin 1,000 a tling thei bawk.
‘Tha Carter VI’ hi Lil Waye album he chart top 10-a lang thei 13-na a ni ta. Lil Waye hian Tha Carter series hi 2004 atang khan a tichhuak tab a, a hmasa ber ‘Tha Carter’ chu Billboard 200-ah No.5 a kai a, 2005-ah ‘Tha Carter II’ chu No.2 kaipuiin, 2008-ah ‘Tha Carter III’ No.1 a kaipui a, 2011-ah ‘Tha Carter IV’ No.1 kaipui lehin, 2018-ah ‘The Carter V’ chu No.1 a kaipui leh bawk.
K-pop group ENHYPEN album thar ‘DESIRE: UNLEASH’ chu1,00,000 hralhin No.3-ah a debut a, chung zinga 95,000 chu album tak tak hralhna niin, streaming atangin 5,000 (on-demand official stream maktaduai 7.29) a ni a, album-a hla a mala hralhna chu chhiar tham a ni lo. ENHYPEN hian chart top 10-a lang thei album panga an nei tling ta a, eng album panga te hi an tihchhuah dan indawtin top 10 a la kai vek a ni.
Addison Rae album full-length album hmasa ber ‘Addison’ chu 48,500 hralhin No.4-ah a debut a, chung zinga 22,500 chu streaming (on-demand official stream maktaduai 32.84) niin, album tak tak hralh chu 23,000 a ni a, album-a hla a mala hralhna chu chhiar tham a ni lo.
Addison Rae, kum 24, singer-actor hian 2019 khan TikTok-ah bul tanin, a hla ‘Diet Pepsi’ chu September 2024-ah Billboard Hot 100 chart-ah langin, hei hi Billboard chart hrim hrima a lanna hmasa ber a ni a, Charli XCX Brat track ‘Von Dutch’ remix-ah guest artist niin, hei hian a rimawi khawvelah a tilar lehzual ta a ni. Tuna a album-ah hian a hla tihchhuah tawh ‘Diet Pepsi’, ‘Headphones On’ leh ‘Fame Is a Gun’ te pawh a dah tel.
Chart No.1 hlui, SZA ‘SOS’ chu 44,000 hralh lehin No.3 atangin No.5-a a tawlh ve thung.
My Chemical Romance album, 2004-a an tlangzarh tawh ‘Three Cheers for Sweet Revenge’ chu a vawi khat nan chart top 10-ah langin, No.6 a ni. He album hi 2005 khan No.28 a kai a, chu chu tunkar chart hmaa he chart-a a tawnsan ber a la ni. He album hi a deluxereissue avangin hralh a kal thar leh a, MCR-in 2014 hnua he chart top 10-a album an neih leh hmasak ber a ni.
Three Cheers for Sweet Revenge hi 44,000 tling lo deuh hralhin, kar hmasa nena khai khinin album hralh hi 809%-in a pung a, chung zinga 37,000 chu album tak tak hralhna niin, streaming atangin 7,000 (on-demand official stream maktaduai 8.88) a tling a, album hla a mala hralhna chu chhiar tham a ni lo.
Chart No.1 hlui Sabrina Carpenter ‘Short n’ Sweet’ chu 41,000 hralh lehin No.8 atangin No.7-ah a insawn thar leh a, chart No.1 hlui bawk Morgan Wallen ‘One Thing at a Time’ chu 39,000 hralh lehin No.6 atangin No.8-ah a tawlh ta bawk.
Rock band Turnstile album thar ‘NEVER ENOUGH’ chu 38,000 hralhin No.9-ah a debut a, he chart-a an album top 10 kai thei pahnihna a ni. ‘NEVER ENOUGH’ hi 27,500 chu album tak tak hralhna niin, streaming 10,000 (on-demand official stream maktaduai 12.8) a tling a, albuma hla a mala hralhna atangin 500 a tling thei bawk. He album hi Turnstile full-length studio album palina a ni.
Chart top 10 khartu chu cart No.1 hlui, Kendrick Lamar ‘GNX’ niin, 36,000 hralh lehin No.7 atangin No.10-ah a tawlh ve ta a ni.