Morgan Wallen “I’m the Problem” kar 3 a No.1 ta

Morgan Wallen “I’m the Problem” kar 3 a No.1 ta
Morgan Wallen album “I’m the Problem” chu Billboard 200 (albums) chart-ah a No.1 a, he chart-a a zawna kar thum a No.1-na a ni a, hetihrual hian SEVENTEEN leh Miley Cyrus te pawh top five a debut thei album an nei a, Taylor Swift album ‘Repitation’ chu top 5-ah a rawn lang thar leh ta bawk.
Billboard 200 chart hi kar khat chhunga US-a album lar dan tehna niin, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralh atanga album tlukpui te belhkhawm thin a ni.
Morgan Wallen “I’m the Problem” hi kar khat chhungin 2,46,000 an hralh leh a, chung zingah 2,29,000 chu streaming atanga album tlukpui (on-demand official stream maktaduai 298.41) niin, album tak tak hralh chu 15,500 a ni a, album-a hla a mala hralhna atangin 1,500 a tling thei bawk.
K-pop group SEVENTEEN album thar ‘SEVENTEEN 5th Album HAPPY BURSTDAY’ chu 48,500 hralhin No.2-ah a debut a, he chart top 10-a lang thei album pasarih an neihna a ni. An album i 46,000 chu album tak tak hralna niin, streaming atangin 2,500 (on-demand official stream maktaduai 3.26) a ni a, a mala hla hralhna erawh chhiar tham a ni lo.
Chart No.1 hlui SZA ‘SOS’ chu 46,000 hralh lehin No.2 atangin No.3-ah a tawlh ve thung.
Miley Cyrus album thar ‘Someting Beautiful’ chu 44,000 hralhin No.4-ah a debut a, he chart top 10-a lang thei album 15 a neihna a ni. Miley album hi 27,000 chu album tak tak hralhna niin, streaming atangin 17,000 (on-demand official stream maktaduai 22.18) a ni a, hla mal hralhna chu chhiar tham a ni lo.
Chart No.1 pawh lo ni tawh Taylor Swift album ‘Reputation’ chu 42,000 hralh lehin No.78 atangin No.5-ah a invawrh thar leh a, he album hi December 2017 khan chart No.1-ah a lo deuh tawh a, tun hi August 2018 hnua chart top 10-a a lan lehna hmasa ber a ni.
Chart top 10-a lang dang zawng pawh chart No.1 hlui vek niin, Morgan Wallen ‘One Thing at a Time’ chu 40,000 hralh lehin No.4 atangin No.6-ah a tawlh a, Kendrick Lamar ‘GNX’ chu 39,000 hralh lehin No.3 atangin No.7-ah a tawlh a, Sabrina Carpenter ‘Short n’ Sweet’ chu 37,000 hralh lehin No.6 atangin No.8-ah a tawlh a, PARTYNEXTDOOR leh Drake album intawm ‘$ome $exy $ongs 4 U’ chu 34,000 hralh lehin No.7 atangin No.9-ah a tawlh a, Bad Bunny ‘Debi Tirar Mas Fotos’ chu 33,000 hralh lehin No.8 atangin No.10-ah a tawlh ta bawk.