Mizoram State Project Monitoring Committee (MSPMC) chuan an vice chairman R Lal Rinawma IRS (Rtd) kaihhruaiin Lengpui Airport-a hmalakna hrang hrang awm mek endikin Thawhtanni khan an tlawh.
Lengpui Airport-a hmunhma hrang hrang, a bikin building, electricity leh kalkawng chungchanga hmalakna awm mek chu an endik a. Hmasawnna la awm theih dan tur leh project awm lai changtlung leh chak zawka kalpui a nih theih dan tur official hrang hrang nen a hmunah enfiahin an sawi ho.
MSPMC chairman hi secretary Er. Vanlalruata Sailo leh MSPMC Team ‘A’ member pali – George Lalzuia, Dr K Vanlaldinpuia, Lalremsangi Fanai leh Er Vanlalneiha Ralte bakah Lengpui VCP ten an tawiawm a. PWD atangin SE (Planning) Lalrinngheta, Er Lalnunchama (Mech. Circle), senior architect Lalawmpuii; P&E atangin EE Lalthazuala, PHE atangin SE Lalropuia leh PWD (Highways) hotu dangten an tawiawm.
Mizoram State Project Monitoring Committee hi Planning & Programme Implementation department hnuaia din niin, chairman chu chief minister a ni a. Vice chairman leh secretary awmin, committee member tura ruat bik bakah political party, NGO leh pawl hrang hrang atangin mi 12 member-a ruat an ni a. An vaiin member hi 21 an awm a ni.
MSPMC thil tum ber chu, Mizoram sawrkar hnuaia project hrang hrang awm mek endik a, changtlung leh tha zawka kalpui dan tur zirchian bakah a hun taka zawhfel a nih theihnana hmalakna tur awm thei enfiaha rel fel a ni.
MSPMC-in airport-a hnathawh endik
Get real time updates directly on you device, subscribe now.