Aizawla taxi hmang thin ten awlsam taka an thil theihnghilh an hmuh zung zung zung theih nan Mizoram Taxi Association sticker inbelna chauh hmang thin turin MTA hruaitute chuan mipui an ngen.
Zoram Taxi Owners Association leh Zoram Taxi Drivers Association chu kum 2016 khan ‘Mizoram Taxi Association’ tih hmingin an inchhunfin tih MTA hruaitute hian an sawi a. Aizawlah taxi 4000 vel an awm mekin, chu’ng zingah chuan MTA member la ni lo taxi 200 vel an awm thu an sawi. Mipuiin taxi-a an bungraw theihnghilhte awlsam taka an hmuh zung zung theih nan MTA chuan hma a la thin a, taxi stand-a dingte chauh bakah taxi hnung leh hmalama MTA sticker inbel chauh hmang thin turin an ngen tih an sawi.
Taxi chu mi tam takin chhungkaw chawmna atan an hmang tih sawiin, sawrkarin taxi permit chu one time replacement hmanga a tih tawp sak hnu ah one time replacement hi titawp tura kum 7 chhung sawrkar an nawr hlawhchham tawh hnu ah, chief minister Pu Zoramthanga leh Transport minister Pu TJ Lalnuntluanga te hmalakna in taxi permit replace leh zel theia tih an nih avangin an lawm hle tih an sawi bawk.
MTA sticker bel taxi chauh hmang turin mipui an ngen
Get real time updates directly on you device, subscribe now.