MZU-ah a thlawna inentirna

MZU-ah a thlawna inentirna
National Service Scheme Red Ribbon Club of Mizoram University, MZU Students’ Union (MZUSU), Aizawl West chief medical office hnuaia Tanhril Health & Wellness Centre, Sakawrtuichhun Health & Wellness Centre leh Luangmual Health & Wellness Centre tangho chuan Nilaini khan MZU-ah a thlawna thisen pek runpui leh a thlawna hmeichhiate tana inentirna an huaihawt a, vawiin – Ningani hian chhunzawm a ni ang.
He hun hi MZU vice chancellor Prof Dibakar Chandra Deka chuan a hawng a. Mizoram State AIDS Control Society hnuaia Mobile Integrated Counselling and Testing Centre-in a thlawnin HIV/AIDS kai leh kai loh endikna an hawng bawk a. Mi 100 an entir a, HIV positive hmuhchhuah an awmlo.
‘Swasth Nari, Sashakt Parivar Abhiyaan’ kalpui mek ‘hmeichhe hrisel, chhungkaw hrisel’ tih behchhanin screening clinic hi buatsaih a ni a. Hmeichhiate zinga natna langsar leh hlauhawm zual – hypertension, oral cancer, breast cancer, anaemia leh zunthlum neih leh neih loh entir theih a ni. Hei bakah hian counseling buatsaihin, ei leh in hrisel leh nau neih leh nunphung hrisel inzirtir a ni.
Lushai Rashtriya Bal Swasthya Karyakram District Tuberculosis staff-ten free clinic buatsaihin ‘ngawr’ (tuberculosis) nei nia inringhlel tan screening an nei bawk.
A ni khatnaah hian a thlawnin thisen unit 70 pek a ni.