MZU-ah mithiam chanchin zir

Sawrkar laipui Ministry of Education hnuaia Bhartiya Bhasa Samiti nen thawkdunin Mizoram University chuan “India Languages, Cultural Oneness and National Integration under Jagadguru Shri Shankaracharya Vyakhanmala” tih thupui hmangin lecture an buatsaih.
A hawnnaah MZU vice chancellor Prof DC Deka chuan, puithiam Shankaracharya zirtirna a sawi a. Thu leh hla leh kutthemthiamna kawnga a thawhhlawk zia a sawi a ni.
MZU VC bakah hian IIT Guwahati ami Prof. Sukanya Sharma, IET Dibrugarh University director Prof Mukul C Bora leh MZU Department of Education ami Prof H Malsawmi ten thu an sawi bawk.
Lehkhabu pahnih – “Beyond Differences: Intertwining North East Through Cross-Cultural Dialogue” edit-tu Dr Dheeraj Kumar leh Prof. Irene Lalruatkimi; “Bridging Identities: National Integration through Cultural Exchange” edit-tu Prof. Irene Lalruatkimi leh Dr Dheeraj Kumar chu tlangzarh a ni.
He programme hi zirtirtu leh zirlai 200 chuang, MZU-a School of Social Sciences, School of Humanities, School of Education leh School of SEMIS atangin an chhim a ni.