MZU Alumni atanga Minister pathum chawimawi

Mizoram University Alumni Association (MZUAA) chuan Mizoram sawrkar kal meka minister pathum, MZU zirlai lo ni tawhte an chawimawi.
MZU zirlai lo ni tawh, tuna minister ni mekte hi – Dr Vanlalthlana (Dept of Commerce, 2002-04 batch), Cabinet Minister, Govt of Mizoram leh B. Lalchhanzova (Dept of Social Work, 2002-04 batch), Minister of State leh Prof. Lalnilawma (Faculty, Dept of Extension Education & Rural Development), Minister of State te an ni.
Minister-te chawimawina hun hi March ni 22-a MZUAA General Body meeting vawi 3-naah neih a ni a, Prof Lalnilawma leh B. Lalchhanzova ten thu an sawi a, Dr Vanlalthlana chu rokhawlhna avangin a tel thei lo a ni.
Prof Lalnilawma chuan Alumni pawimawhna a sawi a, University changtlung zawkah an alumni ten contribution an ngah \hin hletih sawiin alumni te chu university ngaihlu turin a sawm a. Ram siam tha turin \halaite politics-a ke an pen a ngaih thu a sawi. Lehkha a zir chho dan te leh Mizoram sawrkara project hrang hrang a lo buaipui tawh dan te sawiin, ram siam \ha tak tak tur chuan politics a pawimawh hle a ni a ti. Alumni te chu ram siam \hat puiah sawmin, politics a\anga ram siam \hat a awl ber avangin politics-ah lutin a fawng vuantu a tan a, ram siam \hat a \ul thu a sawi.
B. Lalchhanzova hian alumni ni chunga MZU a let leh chu lawmawm a tih thu a sawi a. MIZUAA ten an alumni an chawimawi chu amah an chawimawina a ni mai lo a, anmahni an inchawimawi tel a ni a ti. Rethei leh hausa inkar zau a vei thu sawiin amah ngei pawhin a office-a lo leng lutte alo dawnsawn danah hausa leh rethei a lo thliar hrang palh em? tia a inenfiah \hin thu a sawi bawk. MZU alumni association chu University tana pawl pawimawh tak a ni a, alumni te chu University tan mai ni lo, Mizoram tana tangkaina nei zel tur leh hlawk taka thawk turin a chah a ni.