NAAC Team-in MZU endik mek
India rama zirna in endiktu, National Assessment and Accreditation Council (NAAC) chuan Mizoram University an tlawh mek a, June 3-5 chhungin an endik ang.
NAAC hi University Grants Commission hnuaiah autonomous body niin, NAAC Peer Team member-te hi MZU vice chancellor, department dean ho leh MZU official-ten an lo dawngsawng. Team member pakhat chauh a takin a lokal a, member dang 5-in online-in an telpui a ni.
MZU vice chancellor Prof. Dibakar Chandra Deka chuan university inrelbawl dan tlangpui leh department hrang hrang hnathawh a sawizau a. Hemi zawh hian, IQAC (Internal Quality Assessment Council), MZU director leh dean atangin presentation ngaihthlak a ni a. Hmasawnna leh inrelbawl dan sawiho a ni.
Ni thum chhung hian virtual live tour buatsaih a ni anga, Peer team hian Mizoram University-a research facility, department hrang hrang leh campus chhung hmun pawimawh zual fankual a ni ang. Zirlai, office hnathawk leh Alumni nen an inkawmho bawk ang.
NAAC accredition hi kum 5 dana neih thin a ni a. India rama zirna in sang tehnaah chuan a pawimawh ber a ni. Mizoram Unviersity hi 2014 leh 2019 khan NAAC hian lo tlawh tawhin, grade ‘A’ pek an lo ni tawh a ni.
NAAC Team-in MZU endik mek
Get real time updates directly on you device, subscribe now.