National taekwondo referee seminar

Taekwondo Federation of India (TFI) buatsaih National Taekwondo Referee Seminar leh National Taekwondo Referee Refresher Course chu nimin, May ni 8 khan MATA Hall, Republic Vengthlangah tan a ni a, USAM president Master VL Sawma’n a hawng.
Hawnna inkhawm hi Referee Committee chairman F. Laltanpuia’n a kaihruai a, Pastor V. Lalnienga, ECM chuan hunserh hmangin, MATA president Prof. Rualkhuma Colney-in training chhimtute tan fuihna thuchah a sawi.
National referee seminar hawngtu Sawma chuan national referee nih hlutna sawi chungin Aizawl ngeia buatsaih a ni chu an vannei a, federation chhawr tur tam zawk an insiam chu player-te’n an chhawr ngei dawn niin a sawi.
TFI hian National Referee Seminar hi kum 2003 khan Aizawla a vawikhatna atan a lo huaihawt tawh a, tu tum hi Aizawla nghah vawingana a ni.
Tun serminar leh training hi TFI-in a ruat angin international referee leh TFI Referee Committee member ni bawk Master Joseph Thansanga hoa kalpui niin, naktuk, May ni 10 hian practical leh theory an exam ang.
Training hi black belt, na