National Voters’ Day hmang

India ram hmun dangte rualin nimin khan Mizoram hmun hrang hrangah ‘Nothing Like Voting, I Vote for Sure (Vote thlak tluk a awm lo, Vote thlak ngei ka tum e) tih thupui hmangin National Voters’ Day – 2024’ pualin hun hman a ni a, thutiam sawi rual a ni.
State pawna Mizoram House-ahte pawh he hun hi hman niin, National Voters’ Day chungchang leh vote thlak pawimawhnate inhrilhhriat a ni a. He ni pual hian National Voters’ Day thutiam ‘Voter’s Pledge’ sawi rual a ni bawk.
Mizoram Secretariat, MINECO-a sawrkar hnathawkte chuan Secretariat Main Building kawtah Chief Secretary Dr. Renu Sharma, IAS kaihhruaiin NVD thutiam an sawi rual a ni.