NATO-in military exercise lian kalpui

North Atlantic Treaty Council (NATO) chuan Europe a military exercise lian ber tur Steadfast Defender 2024 chu January thgla tawp atang khan a kalpui tan a. He sipai nunchan zir hi Russia in a run atanga kum hnih hnuah Ukraine an thlawpna lantirna anga ngaih a ni.
Sipai nunchan zir hi thuang hniha kalpui niin a thawhkhatna chu January thla tawp khan tan a ni a, March thla laihawl vel thleng a awh ang a, Atlantic leh Artic a maritime enforcement a thlurbing bik. |huang hnihna chu February thla laihaw atanga intanin May thla tawp thleng a ni thung sawn a, Artic atanga Eastern Flank thlengin domain tin hrut a ni thung ang.

Nato military exercise chu?
NATO chuan military exercise chuan lei, tui, boruak, cyber leh space operation te huam vekin civil-military cooperation tihchakna tur a ni a ti. Nato allies ram 31 atangin sipai 90,000 bakah special invitee Sweden te chu he sipai nunchan zirnaah hian an inhnamhnawih dawn a ni.
A thawhkhatna (Transatlantic reinforcement) bikah chuan Atlantic Ocean kanin North American forces te chuan Europe an lut ang a. North Atlantic leh Artic Seas ah te live maritime exercise leh amphibious assault training te neih a ni dawn a ni.
A thawh hnihnaah chuan Europe bikah multi-domain exercise neih a ni ang a, NATO border ah rang taka sipai dah zung zung dan te lantir a ni dawn a ni.

Eng nge a pawimawhna?
NATO’s Steadfast Defender 2024 hi Nato alliance tena Cold War hnua military exercise an kalpui tawha la lian leh turu ber a ni. A trum ber chu member ram te chuan beih an tawk a nih chuan an inpuihtawn zia tur leh himtlan theih nana an thawhho dan tur lantirna a ni a, Russia in Ukraine a run karah sipai nunchan zirna hi neih nia ngaih a ni.
Nval unit fleet 50 chuang bakah aircraft 80 chuang leh combat vehicles 1,100 chuang hman a ni ang a, he military exercise hi kan lungrual zia, chakna leh member te humhim tawn kan tum zia, kan values leh rules-based international order dingchang se kan duhna lantirna a ni, tiin Amercian General Christopher G. Cavoli chuan thuchhuah siamah a sawi.
Official statement ang chuan sipai nunchan zir chu Nato allies te chakna leh lungrualna lantirna an tih laiin experts te chuan a tum ber chu Ukraine a run hnuah Russia chuan ram zauhzel tuma a beih vauna niin an ngai a, Kremlin vauna nia ngaih a ni bawk. European ram leh US te chuan tum tam tak Russia runna lakah Ukraine an thlawp thu sawiin sum leh ralthuam hmang pawhin an pui chamchi reng a ni.
US Senate chuan February thla khan $95 billion pek a remti a, mahse, House of Representatives paltlang la ngai a ni a. France in $3.2 billion leh Germany in $1.2 billion baklah ralthuam hrang hrang te pek a remti bawk a. EU chuan Ukraine hnenah $148.5 billion a pe tawh a ni.
European Union leh NATO ram te chuan Ukraine chu an chhawmdawl zui zel tur thu an sawi chiang tawh bawk.
Nato military exercise hi Europe ramah pawh hmun pawimawh lai Finland, Estonia, Germany, Greece, Hungary, Latvia, Lithuania, Norway, Poland, Romania, Slovakia, Sweden leh United Kingdom ah te neih tur a ni dawn a. A bik takin Baltic Sea chu thlurbing a ni dawn bawk a. Hei hi Russia nena inkaihhnawihna nei pawimawh niin Russian exclave Kalinigrad chu EU leh NATO member Lithuania leh Poland karcheha awm niin RUssia Baltic Sea fleet headquarter awmna a ni bawk a, chumai bakah Russia in ice-free European port a neih awm chhung a ni bawk. Centre for Research on Energy and Clean Air te chuan Russia total oil export atanga 57% lawih chu Russia Baltic Sea port atanga phurhchhuah a ni an ti.
EU ram Estonia, Latvia, Lithuania leh Poland te chu Russia hnaih ber ber an ni a, heng ram te hi NATO’s Enhanced Forward Presence (EFP) – multinational battalion-size troop UK, Canada, Germany leh US kaihhruai te inkhuarna a ni hlawm bawk.
Lei lam, boruak, tuipui lam mai bakah NATO sipai nunchan tunlai mil belhin cyber leh space operation lam an belh tel bawk a.
National level training piah lamah NATO member ram te a huhova training lakana chuan real-world operation ah a tichak zual anga theihna nasa zawk a pe dawn a ni.